Sistemen Diseinua: Ulm Eskola eta Braum konpainia
Erakusketa hau MUGAK Bigarren Edizioko erakusketa nagusia izan zen; Euskal Herriko Nazioarteko Arkitektura Bienala. Erakusketa honek Ulm Eskolaren ekarpen artistiko eta ondare-balioa balioetsi zuen – 1953an Alemaniako hirian sortua – zentro honek urbanismoa, arkitektura industriala, produktu-diseinua, diseinu grafikoa eta komunikazioa ikertu eta garatu zituen 1950eko eta 1960ko hamarkadetan. Bauhaus Weimar-Dessau-Berlin-en jarraipena eta garapena izan zen, eta aurten haren mendeurrena betetzen da. Izan ere, Ulm eskolako lehen errektorea Max Bill izan zen, Suizako artista, arkitekto eta diseinatzailea, Bauhausen ikasle izandakoa.
Ulm Eskolak ideiaren balio bereizgarria aplikatu zuen arkitekturaren eta industria-diseinuaren prozesu intelektual eta produktiboan, eta horregatik, gaur egun haren berrikuspena eta ikerketa adibide erabilgarria dela uste da, gure pentsamendu eta ekoizpen ereduak hobetzen eta optimizatzen laguntzeko.
Ulm-ek alderdi nagusien planifikazioan, arkitekturan eta diseinuan eragina izan zuen, gaur ezagutzen ditugun Alemaniako industriako marketan, eta baita beste batzuetan ere, hala nola Apple. Steve Jobs-ek berak aitortu zuen eskola alemaniarrak bere produktuen diseinuan izan zuen eragina.
Erakusketa bi kokapenetan egin zen, bai Bienalaren eraikin nagusian – Santa Teresa komentuan, Donostian – bai San Telmo Museoan (STM).
