Egile(ak)
Egile eta Egileak 2022an eta 2024an egindako erakusketa-zikloak dira. Erakusketek formatu “bakarka” eta “taldeka” aurkezten dituzte izen bereko saria jaso duten arte plastiko eta multimediako sortzaileen lanak. Sari hau Gipuzkoako Foru Aldundiko (GFA) Kultur, Gazteria, Lankidetza eta Kirol Departamentuaren Kultura Sustatzeko eta Zabaltzeko Zerbitzuak ematen du.
Izen bera duten erakusketa-zikloak sortzeko helburua da artista emergenteak balioan jartzea eta haien lana zabaltzea, egungo gizarte-gaiekin loturiko ildo ezberdinetatik abiatuta: berdintasuna, afektuak, jasangarritasuna, osasun mentala, aniztasuna…
Erakusketek banakako eta kolektiboko formatuak esploratzen dituzte eta enkarguz sortutako site specific lanak hartzen dituzte.
Egile 2022 zikloak hiru erakusketa bildu zituen: Irati Cano Alkain, Gari Arambarri eta Ainitze Sarasolarenak; eta 2024ko Egile(ak) formatuak bi erakusketa aurkeztu zituen: lehenengoa Ainhoa Goenaga, Maddi Zumalabe, Nagore Amenabarro, Sara Ayesa eta Viviane Straubekin; bigarrena Ane Arzelus, Arrate Rodriguez, Irene Irureta, Maite Caballero eta Sandra Garayoarekin.
Egile 2022
China Girls
Erakusketa hau Irati Cano Alkainek 2018 eta 2019 artean EQZEn egindako ikerketa-prozesuan oinarritzen da. Erakusketaren pieza nagusietako bat, Medusak film laburra, Gipuzkoako Foru Aldundiaren Kultura Departamentuko Egile 2021 Saria jaso zuen.
Irati Cano Alkainek China Girls kontzeptua esploratzen du, jatorri desberdinetako emakumeak protagonistatzat dituzten fotogramak sortuz. Genero-rol eta estereotipoekin jolasten du: oraingoan emakume bat da beste emakume hauek begiratzen eta irudikatzen dituena, eta horrela alderantzikatzen du fotograma horiek jatorriz jasotzeko modu eta begirada (maskulino eta “teknikoa”). Hurbiltzen gaitu artxibo eta katalogazio audiovisualaren hizkuntza tekniko espezifikora.
Tentsioak eta bestelako paisaia emozionalak
Erakusketa honek ikuspegi autobiografiko eta pertsonal bat jasotzen du, non gai feministak eta queer mahai gainean jartzen diren. Euskarri desberdinetan sortutako lanen bidez, gorputzaren tentsioak, harreman eta erromantizismoaren tentsioak, eta paisaiarekin loturiko identitate-tentsioak esploratzen dira. Eskultura, instalazioa, bideo-sorkuntza eta sorkuntza literarioa bezalako euskarriak zeharkatzen dituzte tentsio horiek—batzuetan esplizituak, beste batzuetan ia ikusezinak.
Erakusketak Ite deu pieza barne hartzen zuen, Egile 2021 Saria irabazi zuen bideo-sorkuntza. Pieza Super8n filmatu eta digitalizatu zen. Horrez gain, artistearen lan-prozesuak erakusten dituzten lanak ere biltzen dira.
Ultraviolence
Erakusketak artistaren sorkuntza unibertsoaren eta hainbat erreferentzia literarioren—bereziki pulp generoaren—arteko lotura agerian uzten du, baita Ainitze Sarasolaren prozesu artistikoaren hedapena ere, bai kontzeptualki bai teknika, euskarri eta hizkuntza aniztasunean. Azpimarratzen du erotismo erromantikoaren eta bortizkeria dotorearen arteko lerro mehe eta sotila.
Idazle Katixa Agirrek pieza site specific bat sortu zuen elkarlanean: “maitasun erromantikoaren” kontzeptu zabala lantzen duten bost kapsula literario labur. Testuek paisaiak, eszenak eta egoerak evokatzen dituzte, eta erromantizismo-modu desberdinetara hurbiltzen gaituzte: indarkeria matxista, bakardadea, poliamorea, teknologiak, zaintza…
Testu horiek Ainitzek ilustratutako ehunezko piezetan interpretatu ziren, eta bi artisten lanak pieza bakarrean elkartu ziren.
Egile(ak) 2024
Bidegurutzeak / Itinerarios comunes
Erakusketa honek Egile 2023 sariaren (arte plastikoak) bost irabazleen prozesuan jartzen du fokua. Saria 2021ean sortu zen Gipuzkoako Foru Aldundiaren Kultur Departamentuaren ekimenez, sorkuntza-prozesuak eta talentu artistikoa sustatzeko eta kultura-garapena gizarte-eraldaketaren motor bihurtzeko.
Bidegurutzeak / Itinerarios comunes kontzeptuak ibilbide edo bide baten ideia artikulatzen du, artista guztien lanetan presente badago ere, bakoitzaren kasuan modu eta interes berezi batekin agertzen dena: argia, natura, hondarra–itsusia, pintura bera eta zorizkotasuna bezalako kontzeptuen inguruan.
Bost sortzaileek, bakoitzak bere hizkuntza artistikotik, gaur egungo bizitzaren erdigunean dauden gaiak jorratzen dituzte: zaintza, natura eta jasangarritasuna, indibidualtasuna eta bizikidetza, identitatearen eraikuntza eta forma espazio bizigarri gisa.
Bestalde, lanek prozesu sortzaileen garrantzia aldarrikatzen dute, emaitzen gainetik kokatuz. Artistek paisaietan zehar ibiltzen dira, materialak biltzen dituzte eta pieza berrietan transformatzen dituzte, berriro espaziora itzultzeko. Formatu, material eta proposamen askotatik abiatuta, guztiek aurkezten dituzte beren proiektu sarituak eta haien prozesuen zatiak. Kasu batzuetan site specific lanak ere sortu dira.
Gutxi esan, asko jolastu / Decir menos, jugar más
Erakusketa hau Egile 2023 saria (ilustrazioa) jaso zuten bost sortzaileen prozesu eta lanak zeharkatzen dituzten kontzeptu giltzarrietara hurbiltzen da. Saria 2021ean sortu zen Gipuzkoako Foru Aldundiaren Kultur Departamentuaren eskutik, sorkuntza-prozesuak eta talentu artistikoa sustatzeko.
Izenburua—Gutxi esan, asko jolastu / Decir menos, jugar más—jolasa da bost artisten lanak lotzen dituen espazioa. Komenisario Ainara Martinen hitzetan, jolasak dira “ispiluak, geure burua ikusi eta desitxuratzeko; paleta kromatikoak beste modu batean begiratzeko; irudi eta esaldien arteko konexioak; amorfotasunen haztegia; zaindu behar dugun zuhaitza… espazio horietatik hurbilduko gara artista bakoitzaren proposamenetara.”
Erakusketan:
– Ane Arzelusek, Irudiztegiaren bidez, euskara iruditan zatitzen du.
– Arrate Rodríguezek, Erretratu Katean, pertsonaien sekuentzia ilustratua osatzen du, komunikazioa amaigabeko jolas gisa ulertuz.
– Irene Iruretak, Dardarak lanarekin, zaintza jorratzen du, bereziki haurtzaroan jolas sinbolikoen bidez erreproduzitzen ditugun zaintza-ereduak.
– Maite Caballerok, Goiari Eusteko lanarekin, barruko ispiluari begira jartzen gaitu, gure alderik jostagarrienaren bila.
– Sandra Garayoak, Barruko piztiak lanean, geure barruko munstro txikiei forma eta kolorea ematera gonbidatzen gaitu.
